Kikosi cha timu ya Yanga ya Dar-es Salaam ambacho kipo
kisiwani Pemba kwa kambi maalum ya kujiandaa na mchezo wao na Al-Ahly ya Misri
katika michuano ya Klabu Bingwa Africa hatua ya 16 bora asubuhi kinakamilisha
mazoezi yake kisiwani humo.
Yanga iliyowasili kisiwani Pemba kwa ajili ya Kambi hiyo
Jumatatu imekuwa ikijifua katika fukwe za Wesha kuongeza stamina na uwanja wa
Gombani kwa ajili ya kucheza mpira na kuongeza mbinu zaidi.
Baada ya kukamilika mazoezi ya leo asubuhi jioni Yanga watasafiri
kurudi jijini Dar es salaam ambapo kesho
watacheza mchezo wao wa kwanza na Al-Ahly kabla ya kurejea tena tarehe 19 mwezi
huu huko Misri.
Katika kambi hii ni mchezaji Matheo Antony pekee ambaye jana
hakushiriki mazoezi na wenzake na amekuwa alioneka akifanya mazoezi ya kukimbia
kutokana na kuwa majeruhi lakini wachezaji wote waliokuja nao hapa Pemba
wanaendelea na mazoezi.
Yanga ni mwakilishi wa Tanzania katika mashindano ya Klabu
Bingwa Africa na ameingia katika hatua hiyo baada ya kuitoa timu ya APR ya
Rwanda na akivuuka hatua hiyo ataingia kwenye hatua ya robo fainali.
No comments:
Post a Comment