MECHI YAGHAIRISHWA KISA TIMU KUFANANA JEZI

Pambano la ligi daraja la kwanza taifa Pemba kati ya timu ya Mkungu Malofa na Convol lililotarajiwa kupigwa jana 25 Feb. 2016 kwenye uwanja wa Gombani lilishindwa kufanyika baada ya timu zote kufika kiwanjani zikiwa na jezi zilizofana.

Timu hizo zote mbili zilidai kuhudhuria katika mkutano wa matayarisho ya mechi (Pre- match meetng) zilifika kiwanjani hapo zikiwa zimetinga  jezi za rangi ya njano.

Mashabiki kadhaa walikuwa wameshafika na uwanjani kushughudia mchezo huo ambao ulitarajiwa uwe wa ushindani mkubwa hasa kutokana na nafasi za timu hizo katika msimamo wa ligi daraja hilo kwa mkoa wa kusini Pemba.

Baada ya kujitokeza hali hiyo wasimamizi wa mchezxo akiwemo Kamisaa  Ali Juma  Salim na Mwamuzi Said Ali walizungumza na viongozi wa vilabu hivyo ili kujaribu kutafuta njia ya kuchezwa kwa mchezo huo ikiwemo kuzishauri timu hizo kuangalia uwezekano wa kupata jezi nyengine.

Hata hivyo timu ya Convol waliamua kuvaa jezi nyekundu ambazo walikuwa nazo kama akiba hata hivyo wakatikiwa kubalidisha na kaptura ila walikuwa hawana nyengine zaidi ya hizo za njano.

Kutokana na hali hiyo mwamuzi alitoa muda kwa timu hizo kuweza kutafuta jezi ili mchezo huo uchezwe lakini hata hivyo hakuna timu iliyoweza kufanya hivyo wakidai kila moja ilihudhuria katika kikao na kuonyesha jezi ambazo watavaa.

Kwa upande wa kocha wa timu ya Convol Kassim Moh`d alisema kuwa timu yake ilifika katika pre-match meeting na kuanisha jezi ambazo wengevaa kwa hiyo juhudi waliyoifanya ni kubadilisha fulana za juu ambao ndio uliokuwa uwezo wao.

Hata hivyo Kocha msaidizi wa timu ya Mkungu Malofa Moh`d Khamis Othman alisema hakukuwa na haja kwa timu yake kutafuta jezi nyengine wakati wao walikuwa ndio wageni,pia walifika mapema katika Pre-Match meeting.

Timu ya M/Malofa ambayo ina alama 23 na kushika nafasi ya pili ilihitaji kushinda mchezo ili kujiimarisha kwenye nafasi hiyo, huku kwa upande wa wapinzani wao Convol walio na alama 19 na nafasi ya nne walihitaji kushinda kufikisha alama 22 na kujenmga matumaini ya kuingia katika timu tatu za juu.