WALIPENI WACHEZAJI ILI NAO WAPATE NGUVU WADHAMINI WAPO.

Wadau wa soka nchini watakiwa kujitokeza kwa wingi kudhamini ligi pamoja na timu za mpira nchini ili kunusuru vipaji vya wachezaji na hatimae kufikia maendeleo ya soka yanayotarajiwa.

Kauli hiyo imetolewa na mchezaji wa timu ya KMC ya Kinondoni Dar es Salaam iliyopo daraja la kwanza Timamu Maarifa wakati alipokua akizungumza na salma sport’s media katika mtazamo wake wa soka la Tanzania.

Amesema soka ni zuri na lipo lakini bado kuna  changamoto ni nyingi zinazolikumba soka la Tanzania ikiwemo uchumi mdogo kwa timu nyingi hatimae kutowatia moyo wachezaji ambao kwa ujumla wanategemea soka kama ni maisha yao.

Maarifa amesema “timu nyingi hazina uwezo wa kifedha zinasumbua kuwalipa wachezaji wakati wachezaji wanahitaji kulipwa vizuri lakini pia uwongozi mbaya kwa timu zetu hizi,  yaani wasimamizi wa soka sometime wanafeli”alisema Maarifa.

Amesema ili kuwasaidia wachezaji na timu basi ni vyema kwa timu hizo watafute wadhamini kwani  kampuni zipo nyingi zinazoweza kujitolea kudhamini timu, ingawa baadhi ya makampuni mengine yanakua wagumu kudhamini ni vizuri kufanya jitihada za kuwashawishi mpaka wakubali.

Pia ametoa wito kwa viongozi wa timu waache  ubabaishaji waweke kando mambo yao binafsi na hapo ndipo mambo yatakapokwenda vizuri.

Mbali na wito huwo kwa viongoz lakini pia amewashauri wachezaji kuwa wavumilivu kwa sababu mchezaji anaweza kua na unauwezo mzuri wa kucheza  ila ikawa si chaguo la mwalimu na ukashindwa kupata nafasi  lakini uvumilivu ndio ushindi.