KELVIN DEO: AZAM NDIO TIMU PEKEE KWA KUPIGA PASI NA HAKUNA ANAELIBISHIA HILO.

"KAMPENI YA FICHUA VIPAJI"

Mlinzi wa timu ya IGWEE SPORT CLUB au watoto wa mjini wa Iringo Musoma Kelvin Deo amesema ingawa changamoto ni nyingi sana katika soka la Tanzania lakini hatorudi nyuma atapigana mpaka kuhakikisha anazishinda changamoto hizo zilizombele yake mpaka pale atakapofika safari yake.

Safari hii si safari nyengine isipokua ni safari ya kuyafikia malengo yake ya kua mchezaji bora wa kitaifa na kimataifa huku akiamini malengo hayo anaweza kuyafikia pale atakapokua ndani ya Azam fc.

Hayo ameyasema jana wakati alipokua akizungumza na SALMA SPOT’S MEDIA  katika kampeni ya FICHUA VIPAJI ikiwa ni  mchakato wa kuwatembelea, kuwakagua na kuwaonesha hadharani wachezaji wadogowadogo wenye malengo makubwa na mazuri katika soka.

Kelvin Deo amesema siku zote amekua akifanya mazoezi ya hali ya juu kuhakikisha anayafikia malengo aliyoyapanga,amekua akiwasikiliza vizuri walimu wake na kuyatekeleza kivitendo yale yote anayofundishwa.

Amesema ingawa Tz kuna timu nyingi lakini anaamini anaweza kuyafika malengo yake ikiwa kama atafanikiwa kuingia Azam kwani ndio timu pekee inayoweza kumfikisha katika safari ya malengo yake hayo.

Deo anasema “lengo ni kufika mbali kisoka pia kuwasaidia wadogo wanaochipukia, na ndoto zangu hasa siku moja nitacheza soka katika timu ya Azam fc kwa jinsi wanavyocheza mpira wa pasi nawakubali sana na hakuna anaebisha kwa hili”alisema Deo.

Amesema njia pekee ni kucheza katika timu hiyo.

Akizungumzia baadhi ya changamoto ambazo amedai kua ni moja kati ya vikwazo vya kuzima hamasa za wachezaji amesema “changamoto zipo tena nyingi, kama ligi tuliyocheza sisi mechi za mwanzo takriban sita tumesafiri kwenda kucheza nje ya wilaya,mwisho wa siku tunapewa kikombe chenyewe pasipo viongozi kufikiria gharama tulizotumia,kuna chakula,usafiri na makaazi basi angalau hicho kikombe kilingane kidogo gharama zake na isiwe sawasawa lakini kilingane japo kidogo”alisema Deo.

Aidha ameiomba serikali iwe inatoa fungu kwa ajili ya ligi hata ziwe ndogo kutawanya wachezaji kujaa hamasa ya kucheza mpira  kwani ndio wanakotokea wachezaj vipaji pia wawashajihishe wadhamini kujitokeza na kudhamini kwa wingi timu za mpira hapo mambo yatakwenda sawa.

Pia ametoa ushauri kwa wachezaji wenzake kujituma kwa hali ya juu pasipo na kukata tamaa huku wakiamini siku moja mafanikio yatakuja wenyewe .

IGWEE SPORT CLUB ndio tumu bora msimu huu kuwa mabingwa wa mkoa wa Mara ligi daraja la tatu ngazi ya mkoa baada ya kuwafunga BARUTI FC goli 1 kwa 0 katika uwanja wa Karume  Mjini Musoma akiwa mmoja wa wachezaji mahiri waliyoiletea timu hiyo ushindi ni Kelvin Deo.

Deo ni mlinzi wa kushoto wa timu hiyo mbali na ukabaji mzuri anaosifika nao lakini pia ni mchezaji mwenye sifa na uwezo wa kucheza nambari zaidi ya hiyo, anacheza nambari tatu, saba na kumi na moja kwa umakini mkubwa sana.