STRONG FIRE YABANWA KIPINDI CHA PILI.

Timu ya Strong fire imekubali sare ya mabao 2-2 walipocheza na White bird katika mchezo wa ligi daraja la kwanza taifa hatua ya sita bora kanda ya Unguja.

Mchezo huo uliosukumwa ndani ya dimba la Amani majira ya saa kumi za jioni, Strong fire walianza kuchezan vyema na ilipofika dakika ya 13 Ulimwengu Edi Mundi aliipatia Strong fire bao la kuongoza.

Timu hizo ziliendeleza kuonesha  ushindani wa hali ya juu, na Strong fire wakapata bao la pili lililofungwa na Hashim Ramadhan katika dakika ya 34. Na timu hizo zilikwenda mapumziko Strong fire wakiwa mbele kwa mabao 2-0.

Katika kipindi cha pili White bird walionekana kubadilika kwani walicheza mchezo kwa ajili ya kutaka kuyarejesha mabao hayo, huku Strong fire walijisahau kabisa na kuridhika na mabao mawili waliyoyapata.

Na ndipo Alphonce A. Thomas akaanza kuipatia White bird bao la kwanza mnamo dakika ya 54, lakini pia waliendeleza juhudi na kufanikiwa kusawazisha bao hilo baada ya Chande Abdalla kufunga katika dakika ya 77.

Mtanange huo ulimalizika kwa timu hizo kutoka sare ya mabao 2-2.

SALMA SPORT’S MEDIA ilitaka kufahamu ni nini tatizo lililopelekea kwa timu ya Strong fire  kurejeshewa mabao mawili katika kipindi cha pili kocha Hassan Ramadhan  amesema kujiamini kwa wachezaji wake ndio sababu ya hayo yote.

“Tumeweza kucheza vizuri kipindi cha mwanzo, kipindi cha pili walijiamini wameona mechi imekwisha wenzetu wamefanya kazi wameweza kusawazisha magoli yote mawili, wachezaji wangu walikuwa wanajiamini kwamba washapata magoli mawili na wakawa wanaamini time yoyote watapata goli jengine lakini haikuwa hivyo”.

Aidha kocha wa timu ya White bird Moh’d Abdul-kadir amesesma kuwa mchezo ulikuwa mgumu sana kiupande wao hasa hasa kwa kipindi cha pili ndio maana wakasawazisha makosa  na kuweza kufanikiwa kurejesha mabao mawili katika kipindi cha pili.

“Mchezo ulikuwa mgumu sana upande wetu sie kwa kipindi cha kwanza lakini baada ya kurudi niliweka vijana wangu vizuri nimewaelekeza kwenye mchezo tumejipanga tumerejesha goli mbili”.

Matokeo hayo yameifanya Strong fire kufikisha alama tano 5, na White bird kuwa na alama nne 4.

Kutokana na matokeo yanavokwenda timu hizo bado hazijajihakikishia kupanda ligi kuu na kila timu imebakia na mechi moja tu ili kujua kwamba wamepanda ligi kuu, hivyo ktokana na ligi inavyokwenda timu hizi zitasubiri mchezo wao wa mwisho na hapo watawerza kujua kama wamepanda au hawajapanda ligi kuu.