NANE BORA WILAYA YA MAGHARIBI ZANZIBAR KUANZA JUMATANO.

Katika kuelekea hatua ya nane bora kwa upande wa mpira wa miguu wilaya ya Magharibi, jana viongozi wa ZFA Wilaya ya Magharib walifanya kikao kilichowakutanisha Makatibu wa timu zilizotinga hatua hiyo.

Kikao hicho kilifnyika katika ofisi za ZFA wilaya ya Magharibi huko Mwanakwerekwe Zanzibar, na viongozi hao waliweza kuzungumzia mambo mbalimbali kuhusu hatua hiyo.

Mara baada ya kujadili mambo hayo SALMA SPORT’S MEDIA ilitaka kufahamu wamekubaliana vipi kuhusu hatua hiyo? Katibu wa  ZFA Wilaya ya Magharibi Omar Abuu amesema kwamba.

“ligi itaanza siku ya Jumatano muda wowote kwa mujibu tulivukubaliana, kuhusu viwanja vilabu vingi vimeomba tutumie wiwanja vilevile tulivyokuwa tunatumia mwanzo pia tumezungumza kuhusu muda wa kuanza mechi, vilabu vifike mapema uwanjani ili dakika 90 zipatikane kwa muda wote wa mchezo”.

Aidha amezungumzia kuhusiana na mikakati yao amesema “mikakati yetu ni kua tunajua kama baadhi ya viwanja vingi havina alama lakini tutajitahidi kabla ya kuanza mechi hii ya nane bora turejeshe zile alama zilizopotea kwa mvua”. Aliongeza Omar.

Hivyo amewataka mashabiki waende kushangiria na wala wasiende na vurugu yoyote ile ili mpira uzidi kukua katika wilaya ya Magharibi.

Timu zilizotinga hatua ya nane bora ni:

Bambuu.

Beach Boys.

Chukwani.

Kisauni.

Mfenesini.

Nyangobo.

Villa.

Zantex.