WAWAKILISHI WA ZANZIBAR JKU WAAGA RASMI MASHINDANO YA KOMBE SHIRIKISHO BARANI AFRIKA.

Timu ya Jeshi la Kujenga Uchumi Zanzibar (JKU) leo imeaga rasmi mashindano ya kombe shirikisho barani Afrika baada ya kupokea kichapo cha bao 1-0 kutoka kwa SC Villa ya nchini Uganda.

JKU imepokea kichapo hicho wakiwa katika uwanja wao wa nyumbani wa Amani, baada ya mchezaji wa SC Villa Ambroso Kirya kuweka kambani bao katika dakika ya 45 kuanza tu kwa kipindi cha pili.

Katika mtanange huo JKU walianza kucheza vizuri katika kipindi cha mwanzo na waliutawala mpira takriban dakika zote za kipindi hicho katika kipindi cha mwanzo JKU walipata nafasi nyingi na walikosa mabao ya wazi.

Kocha mkuu wa JKU Malale Hamsini Keya wakati alipokuwa akizungumza na SALMA SPORT’S MEDIA, amesema kwamba mechi ya leo imejirejea kutokana na kucheza kama walivocheza kule Uganda lakini wachezaji wake pia wamemuangusha zaidi.

“Game ya leo imejirejea zaidi kwa sababu hata ile ya Uganda vile vile tulicheza vizuri kama hivi lakini tatizo kubwa nafasi nyingi tunazitengeza lakini hatuzitumii vizuri bila shaka leo tumeliona lakini wachezaji wangu wameniangusha zaidi”. Alisema kocha Malale.

Aidha kocha wa SC Villa Anyau Frank amesema kuwa mechi ilikuwa sio mbaya kwa sababu kupata ushindi nje ya nyumbani ni muhimu.

“Mechi ya leo sio mbaya kwasababu kupata ushindi nje ya nyumbani ni kitu muhimu, hata ukienda nje usifungwe ni kitu muhimu, jku wanapenda sana kupiga chenga, kitu muhimu ni kuona kwamba kuwa na uwezo wa kuzuia adui kukufunga ni kitu muhimu”. Alisema kocha Anyau.

Katika mchezo wa awali uliochezwa huko Uganda JKU walikubali kufungwa mabao 4-0 ugenini na leo wakafungwa goli 1-0 katika uwanja wao wa nyumbani, hivyo JKU wameyaaga mashindano hayo baada ya kufungwa jumla mabao 5-0.

JKU wamevaa jezi rangi nyekundu na SC Villa wao wamevaa jezi rangi ya blue.