Timu ya Jang’ombe boys leo imetoka sare ya bila kufungana
walipocheza na Chuoni , katika mchezo wa ligi kuu ya Zanzibar kanda ya Unguja
uliosukumwa ndani ya dimba la Amani mjini Zanzibar.
Mchezo huo uliochezwa majira ya sa kumi za jioni, timu zote
zilicheza mpira mzuri, na Chuoni walifanya mashambulizi ya mara kwa mara katika
lango la jang’ombe lakini umaliziaji ulikuwa ni mbovu na kupoteza nafasi ambazo
wamezipata katika mchezo huo.
Na mtanange huo ulimalizika kwa timu hizo kutoka sare ya bila
kufungana.
Jango’mbe boys bado wanaonekana kususua katika ligi kuu kwa
kanda ya Unguja kwani wapo nafasi ya kumi na moja (11) na alama kumi na nane
(18) katika mechi kumi na sita (16) walizocheza.
Kwa upande wa chuoni wao wapo nafasi ya nane (8) na alama 22,
katika michezo kumi na saba (17) walizocheza, wakiwa wamefungana alama na timu
ya mafunzo ambao wapo juu yao nafasi ya saba (7), pamoja na kipanga ambao wapo
chini yao nafasi ya tisa (9).
No comments:
Post a Comment