Katika mcchezo wa ligi kuu ya Zanzibar kanda ya Unguja uliochezwa
leo ndani ya dimba la Amani mjini Unguja bingwa mtetezi wa ligi hiyo timu ya
Mafunzo imeondoka na alama tatu muhimu baada ya kuwanyuka kimbunga mabao 3-0.
Mchezo huo uliosukumwa majira ya saa kumi za jioni Mafunzo
walianza kujipatia bao la kwanza kupitia mchezaqji Mohd Abrahman katika dakika ya 23.
Na timu hizo
ziliukwenda mapumziko Mafunzo wakiwa mbele kwa bao moja kwa bila.
Timu ziliporudi kumaliza ngwe ya lala salama kila timu ilitaka kuondoka na alama tatu siku
ya leo na ndipo Wazee wa jela jela timu ya Mafunzo wakapata bao la pili
liliwekwa kimyani na Shaban Ali mnamo dakika ya 68, na Ali Othman Mmanga ndiye
aliyewamaliza kabisa timu ya Kimbunga baada ya kuipatia Mafunzo bao la tatu
katika dakika ya 76 ya mchezo huo.
Na mtanange huo ulimalizika kwa Mafunzo kuondoka na ushindi
mnene wa mabao 3-0.
Kwa matokeo hayo timu ya Mafunzo imefikisha alama 26 wakiwa
nafasi ya saba (7), huku Kimbunga wao wakiwa nafasi ya nane (8) na alama 23.
No comments:
Post a Comment